Daghan ang mga alegasyon nga gilabay sa kampo ni Ahong Chan ug Rufo Bering sa kasamtangang pangagamhanan ni Mayor Arturo O. Radaza ning dakbayan sa Lapu-Lapu.
Usa niini mao nga kun ngano kuno nga gusto man lugwayan sa Mayor ang iyang panahon sa pagserbisyo sa katawhang Oponganon? Ang tubag niini mao nga ang atong halangdong Mayor dako kaayo ug pangandoy nga mapadayon ug matibawas gayud ang mga programa nga iyang nasugdan kansang lintunganay magadala unya ug kalamboan ug tingusbawan niining iyang pinalanggang dakbayan.
Kun buot gayud nato palandungon, kita ang angayan nga mangutana kanila ni Rufo Bering ug kung unsa ba gayud ang naa sa gahum sa pagka mayor nga daw sa hilabihang kahidlaw ug sa walay paglipud-lipud gusto man nila kining ilugon? Gani tungod sa hilabihang kahakog sa gahum si Ahong Chan nakaako pagsalikway ug pagsamad sa kasingkasing ug pagsalig sa tawo nga sama na sa iyang tinuod nga amahan. Unsa man gayud ang anaa sa gahum kansa takos magtukmod sa susama kang Ahong ngadto sa pagka mabudhion?
Ikaduhang punto, ilang gi kwestyon sa pagka karon ang katakos ni Ma’am Paz Corro Radaza sa pagdumala unya sa siyudad sa Lapu-Lapu. Tubag, walay kwestyon kung abilidad ug katakos lamang sa pagdumala ni Ma’am Paz ang hisgutan. Gain atong makita kun giunsa paglambo ug pagbuswak sama sa usa ka matahom nga bulak ang Barangay Mactan ubos sa pagdumala ni Ma’am Paz. Pinaagi sa limbong gusto nila nga iduhig ang pangalan ni Ma’am Paz sa pagka hagsa sa banko sa mga Gaisano nga mao ang Rural Bank of Subangdaku. Para sa kasayuran sa kadaghanan dili kay eksklusibong problema sa RBS ang maong financial difficulties. Kun kini si Rufo makamao pa lang mobasa sa mga ulohang balita labot sa negosyo ug sa mga panghitabo sa tibuok kalibutan unta mas nilapad pa ang iyang kasayuran. Kini man gud mag sige lang ta ug basa sa mga lindog kabahin sa Showbiz ug mga blind items mawad-an man gud kita ug situational awareness when it comes to current events. Sa tibuok kalibutan dili kay ang RBS lang ang nabangkaruta gani didto sa Estados Unidos ang Lehman Brothers ug ang CITI Bank nakasinati man sa susamang mga kalisdanan. Kining mga bangkoha mao kini ang mga haligi sa financial institutions sa tibuok kalibutan apan sila sama sa RBS naigo usab sa ginatawag ug Global Economic Crisis. Sa lokal nga mga kompaniya gawas sa Legacy Group aduna usab karon nasinati nga kalisdanan ang mga kompaniyang sama sa Ayala Life, Sunlife Financial ug uban pa, kini mas dako kaysa RBS Bank nga aduna lamay 6,000 ka mga depositors sa tibuok nasud. Hasta pa ang Intel ug ang Microsoft dagko o kun sa inengles pa industry giants nanirado usab ug nanangtang ug empleyado. Tungod lang kay gisagulan ug bulok sa politika ila na dayong ilansang sa krus si Ma’am Paz? Mura man hinuon ni ug nakapatay ug tawo si Ma’am Paz aning kalakiha. Kun silay pasultihon mas makamao ug mas may katakos pa sila kaysa ni Ma’am Paz Radaza kay nanirado lagi ang RBS Bank. Ang Microsoft Corporation nagkalisud-lisud man usab sa pagkakaron, sa ato pa kung kining ilang ang atong basehan, nagtuo sab ni silang Rufo ug Ahong nga mas maayo pa ni silang Bill Gates. Makapanlimbawot sa balhibo ang kay they are at the height of their intellectual naivety! They both are intellectually naïve!
Ikatulong isyu mao ang pagdaug-daug kuno ni Mayor Arturo Radaza sa iyang mga tawo. Matud pa niya sa iyang programa nga hilabihan naka daug-daug ang mayor sa ilang mga tawo ni Ahong Chan, ang uban kuno niini gipanglabay ngadto sa Isla sa Olango. Unsa man diay ning Isla sa Olango sa mata nilang Ahong ug Rufo? Ubos ug uyamot na lang ba gayud kining maong isla nga hilabihan mang katula sa ilang mga sampot nga ang ila kunong mga tawo gibalhin didto pagdestino sa mayor. Dako kining pagtamay, insulto ug pagpanghimaraot sa mga lumolopyo sa Isla sa Olango kay alang diay kanilang duha dili kini takos labayan sa ilang mga pinalangga nga mga hinanib. Ug unsa man diay kining mga paryente ug mga JO ni Ahong ug Rufo? Sakit ba diay kaayo sa ilang buot nga hatagan sila ug higayon sa pagserbisyo ngadto sa atong mga kaigsuonan sa isla sa olango? Ang desisyon sa mayor ginatawag kana ug executive decision, kung duna silay nakitang kalapasan sa pagbalhin sa mayor sa maong mga empleyado ngadto sa laing departamento hala Rufo ug Ahong naay Civil Service Commision adto mo reklamo ug dili sa radio kay ang mga tawo nga gisibyaan ninyo, dili mga buta, bungol ug bugo nga motuo na lang bisan inyo pang tingalon ug bakak. Usa pa Rufo, kining mga position nga Honorarium, JO, Casual ug Confidential are positions that serve only at the pleasure of the Chief Executive. Dili kana hinimo-himo, dili minao-mao ug walay sagol nga hilo sa huna-huna sama sa mga sibya ni Rufo, nahisubay kana sa atong balaod oi Rufo! You are not above the Law! Tuo Ka! You are not a baby in the woods bisan unsaon pa ninyo sa pagpaka aron ingnon! Niadtong panahon nga napukan ang pamilyang Weigel sa natad sa politika ning dakbayan, daghan usab nga mga tawo ang nakulban ug kulon gani wala ra na sa katunga ang imung mga tawo. Kun tinuod kang ligdong ug may pagbati sa mga dinaug-daug diin ka man niadto? Nibati ka ba ug kasubo niadto? Nising-al, niuwang ug nipaghot ka ba sa radyo? Nanglugmaw ba ang mga luha ni Ahong para niadtong mga tawhana? Ang tubag Rufo mao ang dako kaayong WALA nga napatik sa inyong agtang, gani usa ka sa mga niabiba ug niambahan kaniadto. Sa pagkapilde nilang Ma’am Norma sa piniliay niadton 2006, duna usay mga tawo nga nakulban sa kulon Rufo Bering, nibati ka ba ug kasakit? Kaguol? Konsensya? Bisan muta duna bay nilugmaw sa inyong mga mata ni Ahong Chan? Wala! Dihang adunay mga kawani nga gipanglabay sa isla kaniadto, mikatol ba ang inyong mga sampot kay gihasol kamo sa inyong konsensya? Wala usab. Karon na lang kamo nibati niana, karon na lang mo tugki ug kaluoy ug konsensya. Ang yawa man gud, mahimong manghuwan ug dagway sa anghel ug manintal bisan sa sulod pa sa templo aron lamang pag-ganoy sa mga kalag ngadto sa nagdilaab nga kalayo. Sama kaninyong duha sa imong amo, si Ahong ang akong gipasabot ug dili si Lucifer Rufo ha! Tugkan lang mo ug konsensya kun ang sitwasyon pabor ninyo, tugkan lang mo ug kaluoy kung kamo siguradong makabenipisyo.
Sige mo ug ingon nga kamo mga ligdong, kanus-a gud intawn nahimong ligdong ang usa ka tawo nga nakakutlo na ug kinabuhi sa iyang isig ka tawo? Ligdong diay to si Cain? Kanus-a gud intawn nahimong ligdong ang tawo nga mibudhi sa iyang amahan? Ligdong diay to si Hudas? Mao kanay masakit nga kamatuoran Rufo Bering ug Ahong Chan. Matud pa sa kanta, Bakakon Ka, Liar, Evil Ka!
